Napoli bëri një përmbysje të çmendur në minutat shtesë kundër Chievos, duke qëndruar ende në garë për titullin kampion në Itali.
Mirëpo, përballja e të dielës nuk ka qenë e veçantë për shqiptarin vetëm në sajë të përmbysjes, por edhe për numrin historik të ndeshjeve me fanellën e Napolit.
Ndeshja kundër Chievos ka qenë një sfidë për t’u mbajtur mend për shqiptarin. Hysaj ka luajtur takimin e 100-të në Serie A me fanellën e napolitanëve. Një arritje për vetë shqiptarin, i cili shënon një tjetër rekord personal me skuadrën, e cila është duke synuar titullin kampion në Itali.
Hysaj ka shkruar emrin në librin e rekordeve të skuadrës që e kanë arritur këtë shifër ndeshjesh të luajtura. Shqiptari bëhet lojtari i 122-të që ka luajtur të paktën 100 ndeshje me Napolin në Serie A.