Kapiteni i Barcelonës, Andres Iniesta ka bërë të ditur se ditëve në vijim do ta sjellë vendimin rreth së ardhmes së tij.
Mediat spanjolle janë të bindura se Iniesta do të largohet nga “Camp Nou” për ta vazhduar karierën e tij në Kinë.
“Këtë javë do ta sjell vendimin tim. Ishte një natë e madhe për mua dhe skuadrën. Të gjithë e dëshironim Kupën e Mbretit edhe pse ende na dhemb eleminimi nga Roma”, ka deklaruar Iniesta pas finales së mbrëmshme kundër Sevillas.