Trajneri spanjoll Unai Emery ka bërë të ditur se do të largohet nga PSG, kurse kjo ka shkaktuar që menjëherë të fillojnë spekulimet se Conte do ta marrë drejtimin e Parizienëve.
Mirëpo trajneri italian ka demantuar zërat rreth PSG dhe ka deklaruar se dëshiron të qëndrojë te Chelsea.
“Nuk kam biseduar me PSG, por përgjigjia ime është gjithmonë e njejtë. Jam i përkushtuar ndaj klubit. Kam kontratë dhe dua të mbetem këtu”, ka deklaruar Conte.
Italiani nuk është i sigurtë në stolin e Chelsea pasiqë 4 ndeshje para përfundimit të kampionatit Chelsea ka 5 pikë më pak se vendi i 4 që siguron kualifikimin në Ligën e Kampionëve.