Trajneri i Real Madridit, Zinedine Zidane ka komentuar në mënyrë indirekte transferimin e Neymarit.
Mediat botërore kohëve të fundit kanë filluar me spekulimet për transferimin e brazilianit në Madrid.
Sipas mediave, Neymar është takuar me përfaqësuesit e Los Blancos në Brazil.
“Nuk kam se çfarë të flas rreth asaj teme, pasiqë detyra ime është që ta udhëheqi skuadrën, ajo detyrë i përket tjetër kujt. Nuk besoj se kryesia e klubit ka biseduar me të. Megjithatë puna e juaj është që të shkruani lajme”, ka deklaruar Zidane.
Zidane u pyet nga gazetarët se a do të përshtateshin Ronaldo me Neymarin.
“Lojtarët e mirë përshtaten menjëherë. Në kohën time thonin se nuk do të përshtatemi me Youri Djorkaeff, por ne e fituam Kupën e Botës së bashku. Çdo situatë është ndryshe”, është përgjigjur Zidane.