Mbrojtësi portugez, Joao Cancelo i cili sezonin e kaluar luajti te Interi si huazi, është pranë transferimit te Juventusi.
Neroaxurët nuk e shfrytëzuan opcionin për ta blerë kartonin e tij për 35 milionë euro dhe portugezi u rikthye te Valencia.
Mediat italiane shkruajnë se Valencia dhe Juventusi janë pranë marrëveshjes dhe se për firmën e tij Biankonerët do të paguajnë 38 milionë euro.
Cancelo do të transferohet për 8 milionë euro, kurse pas mbarimit të sezonit Juventusi do të jetë i obliguar ta blejë kartonin e portugezit për 30 milionë euro.
Portugezi ka arritur akord me Zonjën e Vjetër dhe do dë nënshkruajë kontratë 4-vjeçare me Biankonerët.
Cancelo luajti një sezon të mirë me Interin në Serie A dhe pritet që të jetë një transferim i rëndësishëm për Juventusin.