Sulmuesi i Interit, Ivan Perisic i ka bërë thirrje Edin Dzeko-s të ndjekë ish-shokun e skuadrës Radja Nainggolan tek Inter.
Nainggolan kompletoi ditën e martë transferimin e tij tek Inter për 24 mln euro, dhe Dzeko i ka dedikuar një mesazh në Instagram duke shprehur mërzitjen e tij për largimin e belgut.
“Sot jam i mërzitur për shkakun tënd Radja. Nuk doja që të largoheshe, do të më marrë malli dhe të dua shumë vëllaçko,” shkruan boshnjaku.
Gjithsesi, në foton e tij përveç Nainggolan, i cili e falënderon për mesazhin, ka komentuar edhe Perisic.
Sulmuesi kroat shkruan: “Eja edhe ti, ne këtu jemi.”