Ish-trajneri i Napoli-t, Maurizio Sarri, i cili pritet të zyrtarizohet shumë shpejt nga Chelsea, ka vendosur se cilët lojtarë do t’i duhen për projektin e tij londinez.
Shumë nga këta luajnë në Serie A, nga Rugani te Manolas, nga Vecino te Pjanic, deri te Higuain dhe Callejon. Abramovich është gati të shpenzojë 150 milionë euro.
Chelsea, ndryshe nga sezoni i kaluar, nuk ka shumë për të mbrojtur në atë të riun. Kështu, Blutë kanë hapësira për të rindërtuar ekipin pa u nxituar, por me ide të qarta. Sarri ka treguar te Napoli se di t’i shprehë shumë mirë idetë e tija në fushën e lojës.