Miralem Pjanic mund të jetë blerja e radhës për skuadrën e Manchester City, që kërkon të shtojë radhët në mesfushë në prag të një sezoni të ngjeshur dhe me shumë ndeshje.
Pas ardhjes së Mahrez skuadra kampione e Premier League kërkon edhe një mesfushor tjetër dhe kanë shënjestruar 28-vjeçarin që luan në Serinë A me Juventus (10 gola në 16 ndeshje me bardhezinjtë, nga viti 2016).
Boshnjaku ka ende dy vite kontratë me kampionët e Italisë dhe janë disa skuadra që synojnë ta marrin përfshi edhe Barcelonën, ndaj për City dhe trajneri Guardiola nuk ka për të qenë aspak e lehtë për të bindur Juventus.
Për më teër që bardhezinjtë e konsiderojnë të pashitshëm lojtarin. Por përballë një oferte të mirë Juventus ka treguar se di të negociojë, ndaj Pjanic mund të nisë një aventurë tjetër sezonin e ri.