Rikthimi i Leonardo te Milan është vetëm një hap larg.
Ish-futbollisti brazilian ka gjetur marrëveshjen me drejtuesit e ri të klubit kuqezi dhe do të jetë përgjegjësi i sektorit teknik, kësisoj do të jetë supervizori i disa fushave, përfshi edhe atë të drejtorit sportiv, që është ende Mirabelli
Leonardo ka luajtur 124 ndeshje me Milan dha ka shënuar 30 gola. Në pesë sezone ai ka fituar dy trofe, një kampionat dhe një Kupë të Italisë.
Ai ka qenë edhe trajner i Milan për një sezon, duke u renditur në vendin e tretë të Serie A, ndërsa në Champions League nuk shkoi përtej 1/8-ve të finaleve.
Leonardo ka qenë edhe trajner i Inter, ndërsa për pesë vite ka qenë drejtori sportiv i Paris SG. Braziliani, që ka mbaruar shkollën e lartë për inxhinieri, flet pesë gjuhë të huaja…