Franck Ribery është dashur të braktiste para kohe stërvitjen e djeshme pasi është përplasur me kokë në shtyllë, ku është dashur intervenimi i menjëhershëm i stafit mjekësor.
Bayerni që po kryen fazën përgatitore në Bavari, nuk do të mund të llogarisë në yllin e skuadrës për disa ditë.
Megjithatë, lëndimi i Ribery nuk është shumë serioz dhe ai përmes një njoftimi në Twitter ka thënë që do të kthehet në kohë për sezonin e ri i cili fillon më 24 gusht.
“Faleminderit të gjithëve për mesazhet”, ka shkruar Ribery në Twitter pas incidentit.
“Tashmë jam duke u rikuperuar dhe do të kthehem në kohë”.
