Koreja Jugore ka arritur që ta mposhtë Japoninë me rezultat 2:1, në finalen e Lojërave Aziatike.
Përveç gëzimit të skuadrës, këtë fitore e shijon në mënyrë të veçantë Heung Min Son.
Anëtari i Tottenham Hotspur e kishte si kusht nga shteti që t’i siguronte kombëtares një sukses në lojërat ndërkombëtare.
Pas dështimit në Kupën e Botës, ky ishte treni i fundit për Son.
Son arriti që me sukses ta bartë skuadrën drejt medaljes së artë. Ai tashmë është liruar nga obligimi i shërbimit ushtarak, shërbim i cili do ta linte 2 sezone jashtë fushave.