Drejtori i Barcelonës, Ariedo Braida, ka paralajmëruar se nuk do të jetë i lehtë ballafaqimi me Interit, mirëpo klubi katalonas nuk i frikësohet askujt.
Barcelona dhe Interin do të jenë në grupin e njëjtë në kuadër të fazës së grupeve të Ligës së Kampionëve, kjo do të jetë përballja e dy klubeve pas 8 vjetëve që nga koha kur Interi e eliminoi Barcelonën në gjysmëfinale të Ligës së Kampionëve për ta fituar pastaj titullin në finale kundër Bayern Munichut.
“Barcelona e di që është njëra ndër skuadrat më të mira në botë”, ka thënë ish-drejtori sportiv i Milanit.
“Ndeshjet e lehta ekzistojnë vetëm në teori. Duhet të përgatitesh mirë për secilën ndeshje”.
“Pa dyshi, kur ke lojtarë të nivelit si Lionel Messi dhe Coutinho. Është e qartë që rruga e jonë është më e lehtë”.
“Në futboll ka gjithmonë surpriza, kjo është e bukura e lojës. Shpresoj që Barça do t’i mposht të dyja, Interin dhe Tottenhamin”.