Duket se te Barcelona ende nuk e kanë harruar eleminimin nga Roma sezonin e kaluar në Ligën e Kampionëve.
Sulmuesi i Barcelonës, Luis Suarez ka deklaruar se është penduar që ka lujatur 90-të minuta ndaj Leganes, tre ditë para ndeshjes me Romën.
Pas fitores në ndeshjen e parë 4-1, Katalanasit u surprizuan nga Roma duke u mposhtur 3-0 në kryeqytetin italian.
“Jam me të vërtetë i penduar që luajta ndaj Leganes”, ka deklaruar Suarez për RAC1.
“Unë luajta gjatë gjithë ndeshjes edhe pse kishim mjaftë pikë epërsi në kampionat”, tha ai.
Suarez e ka nisur mirë sezonin e ri duke shënuar dy gola ndaj Huesca.