Presidenti i UEFA-s, Aleksander Ceferin insiston se ideja e mbajtjes së finales së Ligës së Kampionëve në Nju Jork nuk po diskutohet aktualisht.
Këtë javë, drejtori i Mediapro, Jaume Roures, pretendoi se negociatat ishin në vazhdim për të organizuar ngjarjen e madhe të futbollit evropian në Big Apple.
Por, sot (e enjte) një gjë e tillë është mohuar nga vet kreu i UEFA-s, Ceferin.
Cerefin ka thënë se ideja për zhvillimin e finales së Ligës së Kampionëve në SHBA nuk do të diskutohet pasi nuk është pjesë e planeve të UEFA-s.
“Kjo ide aktualisht nuk është duke u diskutuar fare”, ka thënë fillimisht Ceferin në një deklaratë për media.
“UEFA nuk ka plane për të bërë finalen e Ligës së Kampionëve jashtë Evropës”, përfundoi ai.
La Liga tashmë ka nënshkruar një marrëveshje për të luajtur ndeshje në SHBA, me Girona-Barcelona që ka gjasa të luhet në Florida në muajin janar.