Futbollisti me orgjinë shqiptare, Enis Bardhi, që aktivizohet me kombëtaren e Maqedonisë dhe klubin e Levante në La Liga, ka rinovuar kontratën me ekipin spanjoll.
Lajmin e ka dhënë klubi i Levante, që ka arritur marëveshjen e re me futbollistin shqiptar.
Kontrata e re e lidh Enis Bardhin me klubin e Levante deri në vitin 2022, duke e bërë atë një nga futbollistët më të rëndësishëm në skuadër. Pas nënshkrimit të kontratës së re, Enis Bardhi, ka deklaruar për kanalin zyrtar të klubit se:
“Jam shumë i lumtur dhe shpresoj se edhe shumë vite do të qëndroj te Levante. Ne gjithmonë luajmë me 12 lojtarë, pasi tifozët tanë janë fantastik. Gjithmonë i dëgjoj brohoritjet ‘Bardhi’, ‘Bardhi’, dhe më vjenë shumë mirë që më mbështesin”, deklaroi 23-vjecari.
Pas kontratës së re vlera e Bardhit në treg është 50 milionë euro dhe ai është lojtari më i shtrenjtë në historinë e futbollit të Maqedonisë.
Bardhi deri tani ka luajtur në 38 ndeshje për Levanten dhe ka shënuar 9 gola, një prej tyre në sezonin e ri. Enis Bardhi është një nga lojtarët më të rëndësishëm të ekipit të Levantes, që këtë sezon ka një tjetër ritëm në La Liga.
RENOVADO | Enis Bardhi (@enisbardhi10): "Estoy muy contento por el año que llevo aquí y espero estar muchos más" pic.twitter.com/iZKxBaux9L
— Levante UD ? (@LevanteUD) October 23, 2018