Milan u mund të dielën me rezultatin 1-0 nga Inter, me derbin e Milanos që u vendos në minutat shtesë me gol të sulmuesit argjentinas të zikaltërve, Mauro Icardi.
Pikërisht të pranishëm në këtë derbi, sipas raportimeve nga media britanike, trajneri i Chelseas, Maurizio Sarri kishte dërguar në mision zbuluesit për të monitoruar dikë në veçanti.
Trajneri i Chelseas mori me vete gjatë transferiit në Londër nga Seria A, ish-futbollistin e tij te Napoli, Jorginho, për të realizuar edhe në Angli aplikimin e filozofisë së Topi-Sarri. Tashmë raportimet sugjerojnë se Sarri është i interesuar të nënshkruajë me Alessio Romagnoli, kapitenin e skuadrës së Milan. Romagnoli mban shiritin e kapitenit te kuqezinjtë që pas largimit të Leonardo Bonucci.
Romagnoli konsiderohet të jetë një prej mbrojtësve të rinj më të mirë në Europë dhe ka qenë objektiv i Manchester United që në të kaluarën. Romagnoli mund t’i kushtojë klubit të Chelseas €50 milion, për më tepër për faktin se kapiteni i kuqezinjve sapo ka nënshkruar kontratën e re me klubin e Milan.