Deklarata e Pelles që Lionel Messi nuk mund të krahasohet me atë dhe Diego Maradonan, sepse ylli i Barcelonës ka vetëm një aftësi, është deklarata më e përfolur në ditët e fundit në botën e futbollit.
Deri më tani Leo nuk i është përgjigjur legjendës braziliane me ndonjë koment në media, por gjithsesi me gola dhe paraqitje fantastike në fushën e blertë.
31-vjeçari shënoi dy gola nga gjuajta e lirë në fitoren 4-2 të Barçës në derbin ndaj Espanyolit.
Pas kësaj ka ardhur edhe një thumbim nga klubi katalunas në drejtim të Peles, spanjollët kanë shfrytëzuar llogarinë e tyre në rrjetin social, Twitter.
“Ai ka vetëm një aftësi“, ka shkruar Barça në përshkrimin e videos ku Messi shënon në portën Jasper Cillessen teksa dyshja po stërviteshin.
Vlen të theksohet se Leo ka shënuar 19 gola nga gjuajta e lirë që nga viti 2014, i vetëm më shumë se çdo skuadër në top pesë ligat evropiane.
Ndërsa është lojtari i vetëm që ka arritur të shënojë më shumë se dhjetë gola në 13-të sezonet e fundit në La Liga.
He only has one skill ? pic.twitter.com/kKWl5UGOMH
— FC Barcelona (@FCBarcelona) December 9, 2018