Një barazim dhe një humbje.
Kështu ka filluar 2019-ta e Real Madrid, skuadra që e mbylli 2018-ën si kampione e botës.
Zhgënjimi i radhës për Los Blancos ka ardhur në shtëpi kundër Real Socidead-it të Adnan Januzaj, belgu me origjinë shqiptare. Miqtë kanë fituar 2-0 falë një penalltie të Willian Jose pas 3 minutash lojë dhe një goli të shënuar nga Pardo në të 83-ën.
Sociedad është kthyer të fitojë një ndeshje të kampionatit në “Bernabeu” pas 15 vitesh. Kjo ka qenë edhe fitorja e parë e miqve në këtë kampionat pas katër humbjesh të njëpasnjëshme.
“Los Blancos”, që e kanë mbyllur ndeshjen me 10 lojtarë pas kartonit të dytë të verdhë të marrë nga Lucas Vazquez në minutën e 61-të, mbeten në vendin e pestë të renditjes me 30 pikë.