Portieri 28-vjeçar, Antonio Donaruma pritet t’i japë fund aventurës me Milanin pas sfidës ndaj Juventusit e vlefshme për Superkupën e Italisë. Mediat vendase raportojnë se vëllai i Xhixhos, ka arritur akordin me skuadrën e Olimpiakosit dhe pritet të transferohet në Superligën greke.
Në të kaluarën e tij Donaruma ka qenë pjesë e Piaçencës, Gubios, Xhenoas, Barit dhe Asteras Tripoli. Pra kjo pritet të jetë eksperienca e dytë në Greqi për gardianin e Milanit, pas asaj në sezonin 2016-2017 kur ishte pjesë e Asteras Tripolit.