Pritet revolucion sa i përket organizimit të Superkupës së Spanjës, duke nisur që nga edicioni e vitit 2019.
Federata Spanjolle e Futbolli ka programuar ndryshimin e formatit, që pritet të aprovohet në Asamblenë e muajit prill.
Por ku konsistojnë ndryshimet? Qeveria e futbollit spanjoll ka vendosur të përshtatë modelin “Final Four”.
Për trofeun do të përplasen vendi i parë dhe i dytë i kampionatit dhe dy finalistet e Kupës së Mbretit. Në total do të luhen 3 ndeshje, gjysmëfinalet dhe finalja.
Formati i ri do të diskutohet në asamble, për t’u hedhur më pas në votim.