Ndeshja e parë e gjysmëfinales së Kupës së Italisë do të zhvillohet mbrëmjen e nesërme në Olimpico.
Nesër në Olimpico do të zhvillohet ndeshja e parë e gjysmë finales mes Lazios dhe Milanit, ndërsa të mërkurën do të përballen Fiorentina dhe Atalanta.
Milani në raundin e kaluar eleminoi Napolin, ndërsa te Lazio nuk po mbizotëron atmosferë e mirë para ndeshjes.
Lacialët janë në probleme të mëdha për shkak të lëndimeve të shumta. Simeone Inzaghi nuk do të mund të llogarisë në shërbimet e Bastos, Wallace, Luiz Felipe dhe Stefan Radu i cili është i suspenduar.
Gjithashtu kapiteni Lulic ka pësuar një lëndim gjatë ditës së djeshme dhe ende nuk dihet nëse do të luaj nesër.