Ndryshon organizatori i ndeshjeve për U-17.
Në turneun futbollistik për grupmoshat U-17, Spanja ka refuzuar ta shfaq flamurin e Kosovës dhe ka ndaluar intonimin e himnit të Kosovës.
Spanjollët nuk kanë pranuar që të shfaqet flamuri Kosovar dhe UEFA ka qenë e detyruar që ta ndryshojë vendin e organizimit.
UEFA ka bërë të ditur se ndeshjet e grupit ku është Spanja, Kosova, Greqia dhe Ukraina, do të zhvillohen në Zvicër.
Simbolet nacionale të Kosovës nuk janë të njohura nga Spanja, shkruan në deklaratën e UEFA-s.
Kjo nuk është hera e parë që Spanja si vend organizator i ndonje evenimenti sportiv ndalon simbolet e Kosovës.
Vitin e kaluar karatistët nga Kosova nuk u lejuan që të mbajnë simbolet e Kosovës.