‘Bardhezinjtë’ kanë rezultat aspak të favorshëm nga ndeshja e parë kundër Atletico Madrid, ku janë mposhtur 2:0 në ‘Wanda Metropolitano’.
Liderët e Serie A, që të premten mposhtën 4:1 Udinesen, gjatë javës së ardhshme presin në shtëpi skuadrën e Diego Simeones.
“Që kur kam arritur këtu, Liga e Kampionëve gjithmonë ka qenë një objektiv, por nëse njerëzit thonë se është një dështim nëse Juventusi eliminohet, kjo nuk është e drejtë”, ka deklaruar Allegri.
“Niveli i përgjithshëm në Ligën e Kampionëve është rritur dhe të martën ne do të bëjmë më të mirën. Nëse kalojmë, atëherë kjo do të ishte e mrekullueshme, nëse jo, atëherë do të përpiqemi përsëri vitin e ardhshëm”.