Makina Ferrari ka dominuar provat zyrtare të Çmimit të Madh të Bahrein në Formula 1, duke i pozicionuar të dy pilotët e saj në dy vendet e para, piloti i ri francez Charles Leclerc ka siguruar “pole position”, i pari në karrierën e tij dhe natyrisht i pari edhe me makinën “kokëkuqe”, duke dhënë kohën 1’27”866.
Ai la pas shokun e skuadrës Sebastian Vettel me 3 të dhjetat më shumë.
BREAKING: @Charles_Leclerc takes his debut pole in Bahrain
He becomes F1's 99th pole sitter in our 999th race ?#BahrainGP ?? #F1 pic.twitter.com/Gn6DqfPuIt
— Formula 1 (@F1) March 30, 2019
Rezultati i sotëm ishte një kundërpërgjigje e shkëlqyer e makinës italiane pas zhgënjimit dy javë më parë në Australi. Në vendet 3-4 u klasifikuar dy makinat Mercedes, me Lewis Hamilton që la pas Valtteri Bottas, ndërsa i pesti u rendit Max Verstappen me Red Bull. Provat e sotme u zhvilluan me drita artificiale, ashtu sikurse do të zhvillohet edhe gara e nesërme (starti, ora 17:10).
Q3 CLASSIFICATION: That's @ScuderiaFerrari's 62nd front-row lock out ?#BahrainGP ?? #F1 pic.twitter.com/Zkg26zRbyt
— Formula 1 (@F1) March 30, 2019
Gjatë të 3 sesioneve të provave zyrtare të zhvilluara sot ishte Ferrari ai që dominoi në pistë, madje gjithnjë Leclerc ishte më i shpejtë se Vettel. “Kokëkuqja” është favorite edhe për garën e nesërme në pistën e Sakhir, ndërkohë që mirë u paraqiten edhe Hass, McLaren e Alfa Romeo, që siguruan “top-10” të parët.