Atletico Madrid humbi shërbimet e Lucas Hernandez sepse Bayern Munich i pagoi klauzolën prej 80 milionë euro, që kishte kampioni i botës me Francën.
Klubi spanjoll po përgatitet të mbrojë një tjetër lojtar që ka ngjallur interesin e klubeve më të mëdha në Europë.
Rodrigo Hernandez u ble nga Villarreal për 25 milionë euro sezonin e kaluar, mirëpo paraqitjet e mira të mesfushorit kanë ngjallur interesin e klubeve si Manchester City, Bayern, PSG dhe Manchester United.
Për të marrë shërbimet e 22-vjeçarit duhet të negociojnë me klubin madrilen sepse lojtari ka kontratë deri në vitin 2023, mirëpo klauzola e tij e largimit është 70 milionë euro dhe secili nga këto klube e ka mundësinë të paguajë një shifër të tillë për spanjoll.
Rodri këtë sezon ka luajtur në 25 ndeshje në La Liga, vetëm 4 ndeshje i ka nisur nga stoli dhe ka shënuar edhe dy gola. Ndërkohë që në Champions League ka luajtur 6 nga 8 ndeshjet e mundshme si titullar.