Ylli argjentinas shënoi dy gola në fitoren 3:0 të Barcelonës kundër Liverpoolit në ‘Camp Nou’, në ndeshjen e parë gjysmëfinale të Ligës së Kampionëve.
Sulmuesi italian, Mario Balotelli, ka reaguar pas paraqitjes fantastike të Lionel Messit.
Anëtari i Marseille, që në të kaluarën ka veshur fanellat e Interit, Milanit, Manchester Cityt dhe Liverpoolit, ka kërkuar që më të mos krahasohet Lionel Messi me Cristiano Ronaldos, pas paraqitjes kundër skuadrës së Jurgen Klopp.
Balotelli ka shfrytëzuar Instagramin e tij, për të kërkuar që të mos bëhen më krahasime.
““Lionel Messi fenomen. Për dashurinë e futbollit ju lutem mos e krahasoni më me numrin 7 të Juventusit!”, ka shkruar Balotelli në Instagram.