Një zhvillim i madh vjen nga Spanja, teksa raportohet se Inter dhe Juventus kanë paraqitur një ofertë prej 100 milionë euro në tavolinën e Real Madridit, që të marrin Marco Asensio.
Ky informacion është zbuluar nga gazeta spanjolle “AS”, që ka bërë me dije se klubi madrilen i ka refuzuar menjëherë të dy ofertat edhe pse shifra e ofruar është tepër e lartë.
Ka qenë Cristiano Ronaldo që ia ka sugjeruar spanjollin klubit bardhezi, duke qenë se kërkon përforcime për krahët e sulmit.
Të dy ofertat janë paraqitur tek Florentino Perez nga agjenti i lojtarit, Horacio Gagioli, disa javë më parë, por presidenti i “Los Blancos” ia ka bërë të qartë se Asensio është i pashitshëm.
Për më tepër që Zidane e konsideron 23-vjeçarin një vlerë dhe markë për klubin në vitet e ardhshme, po ashtu edhe vetë lojtari nuk e konsideron të largohet nga Madridi.