Lewis Hamilton ka siguruar “pole position” në provat zyrtare të Çmimit të Madh të Montekarlos.
Piloti anglez i Mercedes ka qenë fenomenal në tentativën e fundit, duke djegur me 86 të mijtat shokun e skuadrës, Valtteri Bottas. Koha e tretë më e mirë është vendosure nga Red Bull-i i Max Verstappen, i cili ka dalë para Ferrari-t të Sebastian Vettel.
ELIMINOHET LECLERC – Tjetër zhgënjim për Ferrai-n, sepse Charles Leclerc është përjashtuar nga kualifikueset e para për shkak të një vlerësimi të gabuar të kohës së vendosur nga piloti, i cili është pozicionuar i 16-ti.
Drejtuesit e “kokëkuqes” kanë vendosur ta mbajnë në bokse pilotin e ri, duke e menduar se e kishte siguruar kalimin në Q2, por në fund ka ardhur befasia. Ka qenë pikërisht Vettel, që rrezikonte gjithashtu eliminimin, ai që e ka përjashtuar nga 15 pilotët e kualifikuar për në Q2.
Gara do të zhvillohet nesër në orën 15:10.
BREAKING: @LewisHamilton takes pole position for Sunday’s #MonacoGP, after a dramatic qualifying session #F1 ?? pic.twitter.com/MBBaAdsYmp
— Formula 1 (@F1) May 25, 2019