Juventusi është pa trajner pasiqë Massimiliano Allegri vendosi sëbashku me kryesinë të ndërpresin bashkëpunimin.
Allegri për pesë sezone në Torino arriti që të fitojë 5 herë Scudetton dhe luajti dy finale në Ligën e Kampionëve.
Shumë emra janë përmendur për stolin e Juventusit, por së fundmi favorit konsiderohet Maurizio Sarri.
Menaxheri i Chelsea nuk ka dashur të flasë për të ardhmen e tij para finales së Europa League, mirëpo fotoja që vjen nga Bakuja dëshmon se mes palëve po ndodh diçka.
Presidenti i Juventusit, Andrea Agnelli është fotografuar në hotelin ku po qëndrojnë futbollistët e Chelsea duke biseduar me agjentin e njohur shqiptar Fali Ramadani, i cili raportohet se do të jetë ndërmjetësues.
?El PRESIDENTE de la JUVENTUS Andrea AGNELLI, CAZADO en BAKU para cerrar el FICHAJE de SARRI, actual entrenador del CHELSEA. (Vía @tuttosport) pic.twitter.com/YxJAKPTTsl
— ChiringuitoChampions (@chirichampions) May 29, 2019
Raportohet se Sarri do ta marrë drejtimin e Juventusit sezonin e ardhshëm dhe se marrëveshja do të zyrtarizohet pas ndeshjes së sontme.
Italiani i mahniti të gjithë gjatë kohës te Empoli dhe pastaj me Napolin. Sarri u transferua te Chelsea sezonin e kaluar, por duket se aventura e tij në Stamford Bridge do të marrë fund pas një viti.
