Interi mbetet vetëm në të kaluarën për Luciano Spallettin.
Pas dy sezoneve në stolin e neroaxurëve, Spalletti është shkarkuar nga Interi.
Interi zyrtarizoi Antoni Conten si pasuesin e Spallettit, ndërsa ky i fundit nuk e ka ndërmend të qëndrojë pa angazhman.
Siç raporton Tuttomercato, Spalletti sezonin e ardhshëm do ta drejtojë Romën.
Edhe pse Sinisa Mihajlovic pritej që ta merrte drejtimin e romakëve, kryesia e Romës ka vendosur të të ndëgjojë zërin e tifozëve të cilët janë kundër emërimit të strategut serb.
Ish futbollisti i Lazios, ndërsa tani analist në emisione sportive Vincenzo D’Amico nuk ka dilema se Spalletti do ta marrë drejtimin e Romës.
“Spalletti do të rikthehet në Romë. Nuk kam dilema. Problemet për shkak të cilave ai u largua nga Roma janë një e kaluar dhe ai do të jetë trajneri i ri i romakëve”, ka thënë D’Amico.
Spalletti e ka drejtuar Romën dy herë, nga viti 2005 deri në vitin 2009 dhe në sezonin 2016/17.
Me Romën Spalletti ka fituar dy herë Kupën e Italisë dhe një Superkupë.