Pas një reflektimi disa ditor, ish-kapiteni i Malanit, Paolo Maldini ka thënë “po”, duke pranuar postin e drejtorit teknik, pas propozimit të bërë nga Gazidis.
Fondi “Elliott” i ka garantuar legjendës të gjithë mbështetjen e nevojshme, duke i dhënë rrugë të lirë të afrojë në klub si bashkëpunëtorë. Njëri prej tyre do të jetë Anxhelo Karbone, ndërkohë që do të synohet edhe afrimi i Igli Tares, në rolin e drejtorit sportiv.
Për sa i përket trajnerit, duket se nuk ka më dyshime. I përzgjedhuri i Maldinit është Marko Xhampaolo. Tekniku i Sampdorias i përgjigjet karakteristikave të kërkuara nga Maldini, teksa në ditët e ardhme pritet të vijë edhe zyrtarizimi.