Lewis Hamilton me Mercedes ka siguruar “pole position” në pistën e Le Castellet, ku ditën e diel (starti ora 15:10) do të zhvillohet gara e Çmimit të Madh të Francës në Formula 1.
Piloti britanik dha kohën rekord të pistës, 1’28”319, duke lënë pas shokun e tij të skuadrës Valtteri Bottas. Asnjë makinë nuk ka mundur të sfidojë dot Mercedes gjatë dy ditëve të fundit.
Një paraqitje e shkëlqyer e makinës gjermane, e pakapshme nga Ferrari si në provat e lira ashtu dhe ato zyrtare. Në vendin e tretë u rendit makina “kokëkuqe” e Charles Leclerc, por që ishte më shumë se 6 të dhjetat i avashtë. Vetëm i shtati Sebastian Vettel me makinën tjetër Ferrari, gati 1.5 sekonda më i avashtë se Hamilton.
Duket se gara e nesërme do të jetë një duel vetëm mes dy pilotëve të Mercedes, shumë më të shpejtë se rivalët. Në vendin e katërt doli makina Red Bull e Max Verstappen, por 1 sekondë më e avashtë. Më mirë se Vettel u paraqitën edhe dy makinat McLaren, në vendet 5-6 me Lando Norris dhe Carlos Sainz.
QUALIFYING CLASSIFICATION: @LewisHamilton‘s 60th pole for Mercedes ?#FrenchGP ?? #F1 pic.twitter.com/robH5jBvIg
— Formula 1 (@F1) June 22, 2019