Pas një sezoni fantastik në Ligën e Kampionëve, e gjithë skuadra e Ajax është në shënjestrën e gjigantëve europian.
Njëri nga lojtarët e shumëkërkuar këtë merkato është edhe David Neres.
Interesim për Neres kanë shfaqur Everton dhe Inter kohëve të fundit.
Pas ndeshjes së mbrëmshme ndaj Perus në Kupën e Amerikës, Neres ka komentuar zërat për transferimin e tij te Interi.
“Inter? Nuk di asgjë për momentin. Jam i fokusuar vetëm për Kupën e Amerikës dhe pas përfundimit do të mendoj për të ardhmen time”, ka thënë Neres.
Neres vështirë se do të qëndrojë te Ajaxi dhe sipas të gjitha gjasave sezonin e ardhshëm do ta shohim me ndonjë klub të ri.