Adrien Rabiot do t’u nënshtrohet testeve mjekësore nesër (1 korrik) te Juventusi, para se të nënshkruajë kontratë katërvjeçare.
Marrëveshja është arritur në fillim të kësaj jave, por Bianconerët kanë pritur derisa kontrata e tij me Paris Sainet-Germainin të përfundojë sot (30 qershor).
Mesfushori francez po ashtu ishte cak i skuadrave, si Manchester Unitedi dhe Barcelona, mirëpo ai u bind që t’i bashkohej Zonjës së Vjetër.
Raportohet se ai do të nënshkruajë kontratë katërvjeçare me një pagë prej shtatë milionë eurosh në sezon, derisa ajo mund të rritet varësisht nga bonuset.
Rabiot tashmë ka arritur në J-Center (Qendra mjekësore e Juventusit), derisa nesër pritet të prezantohet zyrtarisht me fanellë.
? @Adriien_Rabiiot è arrivato a Torino! pic.twitter.com/mzMDoAIfdd
— JuventusFC (@juventusfc) June 30, 2019
Torinezët, njëherësh, i kanë kompletuar testet mjekësore te Luca Pellegrinit, pasi e kompletoi kalimin si shkëmbim me Leonardo Spinzzolan që kaloi te Roma me 10 milionë euro plus.