Manchester United ka dorëzuar tek Leicester City ofertën prej 70 milionë sterlina (afërsisht 80 mln euro) për Harry Maguire, me qëllim neutralizimin e Man. City, që interesohet prej kohësh për mbrojtësin.
“Sky Sports” bën me dije se trajneri Solskajer e ka kërkuar me çdo kusht mbrojtësin anglez dhe United është vënë në lëvizje, duke parakaluar ofertën e rivalëve të tyre.
Kujtojmë që Maguire ka qenë një nga objektivat kryesorë edhe të Jose Mourinho, por sezonin e kaluar dështuan ta marrin “Djajtë e Kuq”. Këtë sezon qendra e mbrojtjes është në alarm, pasi Lindelof dhe Bailly nuk kanë dhënë siguri, po ashtu edhe Smalling e Jones. Ndërkohë që Marcos Rojo nuk bën fare pjesë në planet e trajnerit norvegjez.
Maguire do të ishte blerja e tretë e United, pasi zyrtarizuan afrimin e Daniel James dhe Aaron Wan-Bissaka.