Neymar Jr dhe Antoine Griezmann janë dy dëshirat e mëdha të Barcelonës për afatin kalimtar të verës.
Kampionët e Spanjës synojnë transferimin e dy sulmuesve të rrezikshëm për ta kompletuar katërshen me Lionel Messin e Luis Suarezin.
E për këtë dy futbollistët ka folur edhe presidenti i Barcelonës, Josep Maria Bartomeu.
“Për Neymarin e di që dëshiron të largohet nga PSG dhe vetëm kaq mund të them momentalisht”, deklaroi numri një i Barcelonës.
Presidenti i gjigantit katalunas ka konfirmuar se kanë pasur një takim me Atleticon për transferimin e sulmuesit francez Antoine Griezmann.
“Mund ta konfirmojë vetëm se dje kemi pasur një takim me Atleticon për Griezmannin, të shohim se çfarë do të ndodh”, u shpreh numri një i Barcelonës.
Krejt në fund presidenti i Barcelonës ka thënë se e di se ku do të luaj De Ligt edicionin e ri.
“Sa i përket De Ligt unë e di ku do të luaj vitin tjetër, por nuk mund ta zbuloj”, përfundoi Bartomeu.