Joao Cancelo është gjithnjë e më pranë largimit nga Juventus, pasiqë portugezi nuk bën pjesë në planet e Maurizio Sarrit për sezonin e ardhshëm.
Cancelo sipas të gjitha gjasave do të transferohet te Manchester City.
Pas një sezoni në Allianz Stadium, Cancelo nuk ka arritur të bind drejtuesit e Juventusit.
Biankonerët kanë filluar kërkimin e pasuesit të Cancelos dhe në shënjestrën e tyre janë Keiran Trippier dhe Matteo Darmian.
Siç raporton Sky Sport, Juventusi ka filluar bisedimet me Manchester United për transferimin e Matteo Darmian.
Darmian është i lidhur për një kohë të gjatë me Juventusin dhe duket se këtë verë transferimi i tij në Torino do të realizohet.