Sinisa Mihajlovic ka zbuluar se është prekur nga leucemia dhe do të fillojë menjëherë kurimin.
Gjithsesi kjo nuk do e ndalë atë të vijojë punën si trajner i Bolognas, këtë e konfirmoi drejtori sportiv, Walter Sabatini i cili tha se 50-vjeçari do jetë në krye të skuadrës deri kur t’i përfundojë kontrata.
Në një konferencë për shtyp, trajneri serb e pranoi hapur dhe tregoi vuajtjet e tij kur mësoi se ishte prekur nga kjo sëmundje, por u tregua optimist, duke thënë se do e luftojë këtë gjë që i ka ndodhur.
“Kam bërë disa teste që treguan anomali, dua të jem i qartë: e kemi përhapur lajmin se kisha ethe, gjëja më e vështire ishte të bindja gruan time që kjo po ndodhte me të vërtetë, pasi unë nuk e kisha pasur atë prej 20 vitesh. Në fakt, mu desh të bëj teste të tjera dhe ato konfirmuan se unë kam leucemi. Ishte si një bombë, kam kaluar dy ditë në dhomë duke qarë dhe duke menduar, jeta ime kaloi para meje (lotët i rrjedhin ndër faqe).
Nuk janë lot frike, jam i sigurt që do ta mund atë. Sëmundja është në një fazë akute, por mund të sulmohet. Duhet kohë për të shëruar, por mund të shërohet, kjo është e rëndësishme. I shpjegova lojtarëve në konferencën e thirrjeve. Do ta bëj për familjen time dhe për të gjithë njerëzit që më duan. Kam marrë 600 mesazhe, kërkoj falje për mosrespektim, por shpresoj që ata të më kuptojnë”, theksoi në fjalën e tij Mihajlovic.
Mihajlovic e nisi fjalën e tij duke demaskuar drejtorin e gazetës italiane “Corriere dello Sport, Ivan Zazzaroni”, mik i tij prej 20 vitesh, por që e publikoi në artikullin e sotëm lajmin e sëmundjes së tij.
“Duke pasur parasysh se kur arrita, Sabatini ishte më keq se të gjithë të tjerët, vendosa të isha më keq se ai, kështu që më vinte përsëri vëmendja (qesh). Kam kërkuar konfidencialitet sepse dëshiroja ta jepja vetë lajmin. Më erdhi keq që dikush nuk respektoi atë, për të shitur 200 kopje kanë shkatërruar një miqësi prej njëzet vjetësh, por unë shikoj përpara”, tha trajneri.