Dani Carvajal jo vetëm që e injoroi Cristiano Ronaldon në zgjedhjen e lojtarit më të mirë në futboll, por spanjolli madje tha se portugezi nuk mund të krahasohet me Lionel Messin.
Mbrojtësi i djathtë spanjoll është pyetur se ai ishte argjentinasi apo portugezi lojtar më i mirë dhe përse, e që ai e injoroi ish-bashkëlojtarin e tij te madrilenët.
“Mendoj se Messi dhe Ronaldo, janë vështirë të krahasueshëm”, ka thënë Carvajal. “Ata janë dy lojtarët më të mirë në histori të futbollit, por ka dallim të mëdha mes tyre”.
“Messi është më shumë një lojtar që e zhvillon futbollin, ka një vizion më të mirë në driblime dhe në pasime. Messi është një lojtar që gjithmonë e ka topin në këmbë dhe gjen hapësira për të depërtuar te gola”.
“Cristiano është i fokusuar vetëm në futjen në zonë dhe të shënojë gola. Ata janë të ndryshëm, por janë të mirë”.
Carvajal po ashtu është pyetur se kush është legjenda e Real Madridit, duke e zgjedhur Raul Gonzalez para 34-vjeçarit.
“Për mua është Raul. Ai është lojtar i akademisë dhe ka fituar gjithçka në futboll. Nuk mendoj që ka qenë lojtar i shpejtë apo që e ka kontrolluar topin mirë, mirëpo ka bërë gjithçka në rrugën e duhur. Për golat që i ka shënuar te Real Madridi, për mua ai është lojtari më i mirë në histori të klubit”, ka shtuar më tej spanjolli.
Nga deklarata e Carvajalit mund të kuptohet se raportet e tij me portugezin nuk janë edhe aq të mira, pas kalimit të portugezit te Juventusi në verën e kaluar.