Tottenham Hotspur thuhet se janë favoritët për mbrojtësin shqiptar të Napolit, Elseid Hysaj, përpara Romës dhe Atletico Madridit.
Klubi i njohur spanjoll, Atletico Madrid u tërhoq nga gara për shqiptarin pas blerjes së Kieran Trippier nga Spurs.
Për ironi, Tottenham tani po shikon kapitenin e Shqipërisë si një zëvendësues ideal për të larguarin Trippier.
Sipas mediumit italian Radio Kiss Kiss, klubi nga Liga Premier është tani favoritë për Hysajn, megjithëse interesi i Romës mbetet gjithashtu në garë.
Napoli po kërkon 25 milionë euro për 25-vjeçarin, i cili mund të luajë në të djathtë ose në të majtën e mbrojtjes.