Zinedine Zidane doli në konferencën për shtyp pas ndeshjes kundër Arsenalit.
Një takim në të cilin Bale ishte lajmi më i mirë: ai u largua në pjesën e dytë, shënoi një gol, gaboi një penallti. Rreth tij u përgjigj trajneri Zidane.
A është lëndimi i Asensio shqetësues: “Shpresojmë jo, por është në fakt, jemi pak të shqetësuar. Bëhet fjalë për gjurin, ai shkoi direkt në spital për t’u testuar dhe për të parë, por duket rëndë. Kjo është gjëja më e keqe e ditës për ne, sepse kemi humbur një lojtar dhe jemi pak të prekur”.
Bale luajti një ndeshje të mrekullueshme. A ka më shumë shanse për të qëndruar? “Ai ka luajtur një ndeshje të mirë dhe unë jam i lumtur për të, kemi filluar shumë mirë dhe pas pak kohe kemi humbur një lojtar, atëherë ne luajtëm mirë dhe më mirë dhjetë kundër dhjetë… Ne jemi të lidhur dhe ky është lajmi i mirë. Ai është këtu me ne dhe do të vazhdojmë duke punuar.”
A keni ndryshuar ndonjë gjë që keni thënë? “Po, ai është këtu. Për momentin ai është me ne, ai luajti sepse donte të ishte me ne dhe të luante, ndeshjen e shkuar nuk deshi. Ai luajti mirë dhe sot. Vendimi për të luajtur ai është i imi, ai luajti një rol dhe do të shohim se çfarë do të ndodhë. Asgjë nuk ka ndryshuar. Ju e dini situatën, unë gjithmonë do t’ju them të njëjtën gjë.”
Mariano nuk ka luajtur fare. Çfarë planesh keni për të? “Nuk kam plane për të, ai është me ne, ai stërvitet, ai nuk ka luajtur… do të shohim ditën tjetër”.
Hazard dhe lidhja e tij me Benzema: “Ne e dimë se do ta përmirësojmë lojën tonë, sot e përmirësuam.”
Ceballos dhe Arsenal: “Ende nuk është bërë, klubi është duke punuar në të, do të shohim në ditët e ardhshme”.
Lëndimi i Asensio mund ta kushtëzojë atë për Bale: “Nuk kanë lidhje me njëra-tjetrin. Të gjithë jemi të prekur nga Marco, shpresojmë të jetë dëmtimi sa më pak të jetë i mundur, vetëm kaq”.
Marcelo ka qenë më mirë. Je i kënaqur me nivelin e tij? “Ai është përgatitur dhe është shumë mirë, është i përfshirë dhe unë jam i kënaqur. Nuk ka ndryshuar asgjë për mua, ai është një lojtar i jashtëzakonshëm”.