Napoli është shumë pranë finalizimit të transferimit më të shtrenjtë në historinë e klubit.
Napoletanët raportohet se kanë arritur marrëveshje me yllin Lille, Nicolas Pepe.
Interesim për Pepen kanë shfaqur Manchester United, Liverpool, Inter dhe Arsenal, ndërsa Lille për lirimin e tij kërkonte 80 milionë euro.
Napoli i ka ofruar Lille shumën e kërkuar dhe tani mbetet të arrihet akordi për detajet e fundit të marrëveshjes.
“Kemi marrë një ofertë që i plotëson kërkesat tona. De Laurentiis ka ofruar shumën prej 80 miliona eurove. Tani mbetet që Pepe të vendos për të ardhmen e tij”, ka deklaruar presidenti i Lille.
Pepe shënoi 22 gola me Lille sezonin e kaluar dhe ishte në formacionin më të mirë të vitit në Ligue 1.