Juventus është futur në garë për transferimin e Neymar, i cili është pranë largimit nga PSG.
Neymar dëshiron largimin nga PSG, ndërsa në garë për shërbimet e tij janë Barcelona dhe Real Madridi, ndërsa tani garës i është bashkuar edhe Juventus.
Biankonerët dëshirojnë një dyshe Neymar-Ronaldo në vijën e sulmit dhe kanë ofruar 100 milionë euro dhe kartonin e Dybalas.
Përveç kësaj, Juventus është i gatshëm ti ofrojë Neymarit pagë prej 37 milionë eurove në sezon, aq sa përfiton te PSG.
Neymar preferon rikthimin te Barcelona, mirëpo është i gatshëm ta pranojë ofertën e Juventusit, pasiqë dëshiron që me çdo kusht të largohet nga PSG.
PSG dëshiron që ta sigurojë pasuesin e Neymar në rast se braziliani largohet dhe Dybalan e shohin si pasuesin ideal të brazilianit, ndërsa Barcelona nuk i ka ofruar asnjë lojtarë.
Juventus tani është në pole position për transferimin e Neymar.