Milani mund ta kompletojë një tjetër transferim nga Lille, pas transferimit të Rafael Leaos gjatë verës së kaluar.
Rosonerët janë të interesuar për sulmuesin e Lille Luiz Araujo, raportojnë mediat franceze.
Milani është në kërkim të një sulmuesi, ndërsa Rosonerët ishin të lidhur me transferimin e Angel Correa gjatë verës së kaluar, por që në fund ky transferim nuk u realizua.
Tani Milani ka kthyer vëmendjen kah Araujo dhe do të tentojnë të sigurojnë shërbimet e tij në merkaton e janarit.
Araujo është 23-vjeç dhe ka shënuar 2 gola në katër ndeshje të luajtura me Lille këtë sezon.
Në rast se Araujo transferohet te Milani, atëherë ai do të bëhej transferimi i dytë nga Lille, pas Leaos.