Trajneri Massimiliano Allegri nuk do të drejtojë asnjë ekip gjatë sezonit sportiv 2019-2020.
Ish-trajneri i Juventusit do të qëndrojë një vit pushim, lajm që është konfirmuar sot nga Corriere Dello Sport.
Ka qenë vetë trajneri ai që ka marrë vendimin, pas zërave që qarkullojnë ditët e fundit se Allegri mund të rikthehet në stolin e Milanit. Por ai ka refuzuar çdo ofertë.
Pas paraqitjes së dobt të Milanit në këtë fillimsezon, pritet shkarkimi i trajnerit aktual Marco Giampaolo. Disa media italiane shprehen dhe në vend të tij do të rikthehet Allegri, por ky i fundit ka të tjera plane.
Milan nuk është skuadra e vetme që e ka kërkuar këtë sezon trajnerin e suksesshëm italian. Gjithsesi, 52-vjeçari ka vendosur t’i dedikojë më shumë kohë familjes këtë vit para se të rikthehet në stol.