Manchester United nuk e ka nisur mirë sezonin e ri dhe Djajtë e Kuq do të kenë nevojë për përforcime në merkaton e janarit.
Mediat angleze raportojnë se drejtuesit e United kanë aprovuar një buxhet prej 100 milionë stërlinave, ndërsa në shënjestrën e Djajve të Kuq janë dy yjet e Bundesligës.
Bëhet fjalë për yllin e Bayer Leverkusen Kai Havertz dhe për sulmuesin e Bayern Munich Thomas Muller.
Muller për një kohë të gjatë është në shënjestrën e United dhe tani transferimi mund të realizohet në janar, pasiqë gjermani e ka humbur vendin e titullarit në Allianz Arena.
United do ta ketë të vështirë transferimin e Havertz, i cili kërkohet nga gjigantët e tjerë europian.
Mediat angleze raportojnë se United është i gatshëm të shpenzojë 145 milionë euro për dyshen gjermane.