Këshilli Bashkiak i Milanit ka votuar për të shpëtuar ‘San Siro-n’, ndërsa gjithashtu mbështeti propozimin e ri të stadiumit të paraqitur nga ‘kuqezinjtë’ dhe Interi.
Të dy klubet milaneze kanë dëshirë të lënë ‘San Siro-n’ pasi besojnë se rimodelimi i stadiumit ikonik është shumë problematik dhe, mbi të gjitha, shumë i kushtueshëm.
Ata kanë lëshuar plane për një stadium të ri prej 60,000 vendesh në vend të stadiumit aktual, por kjo nuk shkoi mirë me këshillin, i cili nuk dëshiron ta shohë vendin e famshëm të rrënuar.
Në një mbledhje dje pasdite, këshilli i Milanit vendosi që ‘Stadio Meazza’ e tanishme do të mbahej e paprekur.
Sidoqoftë, ende nuk është e qartë se për çfarë do të përdoret stadiumi në formën e tij të tanishme për të ndjekur përfundimin e Lojërave Olimpike Dimërore 2026.
Ndërkohë, stadiumi i ri i propozuar u votua me 27 vota për, 11 kundër dhe shtatë persona abstenuan.
Sidoqoftë është vetëm një “po” e kushtëzuar pasi kryetari i Milanit Beppe Sala dëshiron që projekti të rishikohet, duke argumentuar se favorizon shumë klubet dhe këshillin shumë pak.
Stadiumi i ri do të ketë një kapacitet prej 60 mijë vendesh dhe do të përbëhet nga hotele përreth, komplekse argëtuese dhe një park i gjelbër. Kostoja totale e sipërmarrjes vlerësohet të jetë rreth 1.2 miliardë euro.