Trajneri i Manchester City-t Pep Guardiola ka konfirmuar se sulmuesi Sergio Aguero do të qëndrojë larg fushave për disa javë pas dëmtimit në kofshë që ka pësuar ndaj Chelsea-t të dielën.
“Sergio do të qëndrojë larg fushave për disa ndeshje,” shprehet Pep.
“Ai ka pësuar një dëmtim që do ta mbajë pushim për dy-tri javë, por mund të shkojë edhe për një muaj, të shohim.
Ai do të ketë nevojë për një mrekulli për t’u rikthyer në derbi,” e mbyll spanjolli. Derbi me Man United do të luhet më 7 dhjetor.