Emerson Palmieri vazhdon të mbetet një objektiv madhor i Juventusit.
Kampioni në fuqi i Italisë është në kërkim të një mbrojtësi të majtë dhe trajneri Maurizio Sarri insiston për anësorin e Chelseat.
Sarri dhe Emerson punuan së bashku te Chelsea dhe tekniku italian dëshiron të bashkohet me të në Torino.
Zonja e Vjetër synon transferimin e reprezentuesit italian qysh në afatin kalimtar të janarit.
Madje mediat italiane kanë raportuar se Juventus është gati të ofrojë deri në 40 milionë euro për transferimin e Emersonit.
Megjithatë duket një operacion i vështirë pasi trajneri Frank Lampard e vlerëson shumë yllin italian.
Lampard ka besim të madh tek Emerson dhe e inkuadron në formacionin bazë para spanjollit Marcos Alonso.