Borussia Dortmund nuk është aspak e kënaqur me vendimin e fundit nga trajneri i Barcelonës, Ernesto Valverde.
Barcelona do të luajë më një formacion përplot me ndryshime sonte kundër Interit në Giuseppe Meazza në duelin e xhiros së fundit të fazës së grupeve në Ligën e Kampionëve.
Skuadra katalane ka siguruar kualifikimin dhe pozitën e parë në grup andaj trajneri Ernesto Valverde ka vendosur t’i pushojë Lionel Messin dhe disa yje të tjerë të ekipit.
Por, mediat spanjolle raportojnë se vendimi i Valverdes ka hidhëruar drejtuesit e Borussia Dortmundit që ka pikë të barabarta me Interin në garë për pozitën e dytë që siguron pjesëmarrjen për në fazën tjetër.
Inter në rast të fitores ndaj Barcelonës do ta sigurojë kualifikimin përkundër rezultatit të Borussia Dortmund në duelin tjetër ndaj Slavia Pragës.